Хабарингиз бор, «Сўғдиёна» кеча Туркиянинг Анталия шаҳрида Нирвана "Космос центр" стадионда Россиянинг «Акрон» жамоаси билан назорат учрашуви ўтказди.

Биринчи бўлимда жамоамиз ўйини бироз тушунарсиз кечди. Учрашувнинг 25 дақиқасида Максим Палиенко хисобни очишга эришди. Шу тариқа биринчи бўлим якунланди. Иккинчи бўлимнинг 48 дақиқасида Владимир Азаров хисобни 0:2 кўринишга келтириб қўйди.

Учрашувнинг 55-дақиқасида Бобур Фарҳодов хисобни қисқартиришга эришди. Фарҳодов учрашувнинг 86-дақиқасида ҳисобни тенглаштириб дубл қайд этган бўлса, баҳсга қўшиб берилган дақиқаларида (90+3) унинг ўзи хет-трик қайд этди. Шу тариқа жамоамиз назорат учрашувида ажойиб камбек эвазига ғалаба қозонди.

Назорат учрашуви
СЎҒДИЁНА - АКРОН - 3:2
Голлар: Бобур Фарҳодов (55ʼ 86ʼ 90+3) — Максим Палиенко (25ʼ), Владимир Азаров (48ʼ)