"Бавария" устози Юлиан Нагельсманн сафарда "Зальцбург" (1:1) жамоасига қарши бўлиб ўтган ўйин ҳақидаги фикрлари билан ўртоқлашди.
"Иккинчи бўлимда яхши ҳаракат қилдик. Биринчи бўлимни ярмини хатолар билан ўтказдик. Ўнг қанот ҳимоямиз яхши ишламади. Биринчи бўлимда ишларимиз юришмади.
Ўйин қизиқарли кечди. Биз аниқ шу очко учун ҳақли эдик. "Зальцбург"ни майдоннинг иккинчи ярмига "қамаб" олишга ва уларга босим уюштиришга ҳаракат қилдик. Албатта, ғалаба қозонишни хоҳлагандик, лекин қачонки ўйиннинг сўнгги дақиқасида ҳисобни тенглаштириб, мағлубиятдан қутулиб қолсанг, бу дуранг албатта ёқимли бўлади", - мураббийнинг сўзларидан иқтибос келтирмоқда УЕФА расмий сайти.













