Диего Марадонанинг ўғли Европа лигаси доирасидаги «Барселона» - «Наполи» учрашувида отаси кимни қўллаб қувватлаши ҳақидаги саволга жавоб берди.
«Бу, шубҳасиз қийин саволга айланиши мумкин. Чунки у ҳар иккала жамоага ҳам бирдек меҳр берган.
Лекин икки йил олдин кўрганимдан сўнг (ушбу жамоалар Чемпионлар лигасининг 1/8 финалида тўқнаш келишган), у «Наполи»га мухлислик қилган эди.
Эслатиб ўтамиз, Марадона иккала жамоада ҳам ўйнаган. У 1982 йилдан 1984 йилгача «Барселона»да, 1984 йилдан 1991 йилгача «Наполи»да ўйнаган.