"Барселона" бош мураббийи Хави Европа лигаси 1/16 финалидан ўрин олган "Наполи"га қарши ўйиндан (1:1) кейин ҳужумчи Ферран Торреснинг ҳис-туйғуларига муносабат билдирди.
"Ферран ўзига нисбатан жуда талабчан. Унда кўп имкониятлар ва фақат битта гол бўлганига қарамай, самарадорлик ошиб боришини биламан ва буни унга ҳар доим алоҳида таъкидлаб ўтаман", - дея Хавининг сўзларидан иқтибос келтиради УЕФА расмий сайти.
Эслатиб ўтамиз, кеча ўйин якунланганидан кейин Ферран кўз ёшларини тия олмади. Уни бир неча жамоадошлари тинчлантиришди.
