Каталониянинг «Барселона» клуби иқтидорли ҳужумчиси Ансу Фати навбатдаги жароҳатидан тикланишда давом этмоқда. Футболчи «Атлетик Бильбао»га қарши кечган кубок учрашувида жароҳат олганди.
Diario Sport нашри хабарига кўра, 19 ёшли футболчи «Реал» билан кечадиган «эл-класико»гача майдонга қайтишни кутмоқда. Ушбу жамоалар ўртасидаги учрашув 20 март куни бўлиб ўтади.
Фати жорий мавсум жароҳатлар туфайли кўп ўйинларни ўтказиб юборди. У Испания чемпионатида бор-йўғи бешта учрашув ўтказиб, учта гол урган.
