Kataloniyaning «Barselona» klubi iqtidorli hujumchisi Ansu Fati navbatdagi jarohatidan tiklanishda davom etmoqda. Futbolchi «Atletik Bilbao»ga qarshi kechgan kubok uchrashuvida jarohat olgandi.
Diario Sport nashri xabariga ko‘ra, 19 yoshli futbolchi «Real» bilan kechadigan «el-klasiko»gacha maydonga qaytishni kutmoqda. Ushbu jamoalar o‘rtasidagi uchrashuv 20 mart kuni bo‘lib o‘tadi.
Fati joriy mavsum jarohatlar tufayli ko‘p o‘yinlarni o‘tkazib yubordi. U Ispaniya chempionatida bor-yo‘g‘i beshta uchrashuv o‘tkazib, uchta gol urgan.
