«Барселона» раҳбарияти Бундеслига клубларидан қизиқиш бўлганига қарамай, ярим ҳимоячи Абде Эззалзулини қўйиб юбормади. 20 ёшли футболчи учун номи ошкор қилинмаган немис клуби 15 миллион евро таклиф қилган. Бу ҳақда Mundo Deportivo ёзмоқда.
Манба берган хабарга кўра, каталонияликлар ёш испанияликнинг келажаги ҳақида ёзда қарор қабул қилишади ва Эззалзулининг ўзи истагини инобатга олишади.
Абде Эззалзулининг шартномаси 2024 йилнинг ёзида якунига етади. Жорий мавсумда ҳужумкор ярим ҳимоячи Ла Лиганинг 10та учрашувида қатнашиб, 1та гол урди.