«Монако» ярим ҳимоячиси Сеск Фабрегас «ПСЖ» ҳужумчиси Лионель Мессини ҳимоя қилди.
Эслатиб ўтамиз, испаниялик ва аргентиналик футболчилар аввалроқ «Барселона»да бирга ўйнашган.
«Албатта, ЕЧЛ ўйинида Месси танқидга учради. Лео «Реал»га қарши ўйиннинг асосий юлдузи эмас эди, лекин у яхши ўйнади. Месси биринчи бўлимда Мбаппени бирга-бир вазиятга чиқариб юборди. У ақлли ўйин кўрсатди, шунингдек, Неймарга ҳам чиройли узатма берди.
Месси пенальтини амалга ошира олмади. Хўш? Бунинг учун уни айблаш кулгили. Футбол бу билан чекланиб қолмайди. Куртуа - фантастик дарвозабон ва унинг хизматлари бор», - дея Фабрегаснинг сўзларини келтиради Mundo Deportivo.
34 ёшли Месси жорий мавсумда «ПСЖ» сафида 21 ўйинда 7 та гол урди ва 8 та голли узатмани амалга оширди.
