Февраль ойи бошида коронавирус билан касалланган «Бавария» футболчиси Жамол Мусиаланинг қайта топширган тести манфий чиқди. У яна жамоа билан машғулот ўтказиши мумкин. Бу ҳақда клуб матбуот хизмати хабар берди. 18 ёшли форвард 9 февраль куни касалликка чалингани хабар қилинган эди.
«Бавария» бош мураббийи Юлиан Нагелсманн футболчининг кейинги ўйинда майдонга тушиши ҳақида ўз фикри билан ўртоқлашди.
«У салбий тестдан ўтди, яъни Мусиала ортиқ изолияцияда бўлмайди. Унинг якшанба куни майдонга туша олиши тиббий кўрикдан сўнг маълум бўлади», - деди Нагелсманн.
Жамол Мусиала жорий мавсумда барча клуб турнирларида 27 та ўйинда майдонга тушиб, 6 та гол ва 5 та голли узатмани амалга оширди.
«Бавария» навбатдаги ўйинини 20 февраль куни ўз майдонида «Гройтер»га қарши ўтказади.
