Каталониянинг "Барселона" клуби "Боруссия" ҳужумчиси Эрлинг Холандни қўлга киритиш учун унинг шартномасида кўрсатилган товон пули ва агентлик комиссияларини тўлашга тайёр эканлиги ҳақида испаниялик журналист Ферран Корреас хабар тарқатмоқда.
Манбанинг ёзишига қараганда, каталонияликлар бу ҳақда Холанднинг агенти ва отасига маълум қилишган.
Қайд этилишича, "Барселона" футболчининг йилига 20 миллион маош ва катта бонуслар таклиф қилмоқда.
Хабарда айтилишича, Эрлингнинг вакиллари яқин вақтлар ичида якуний қарорга келишади.
Аввадроқ, Холанд "Реал" билан дастлабки шартнома борасида келишиб олганлиги ҳақида хабарлар тарқалганди.
