"Милан" клуби бош мураббийи Стефано Пиоли А Серия доирасида "Салернитана" жамоасига қарши бўлиб ўтадиган учрашувдан аввалги фикрлари билан ўртоқлашди.
«Милан» контекстида чемпионлик муҳокама қиланаётгани биз учун катта шараф, лекин биз ҳар қандай ҳолатда ҳам биринчи ўринни олишга интилмаяпмиз. Биз келажак ҳақида ўйлашимиз ва келажакдаги ғалабалар учун пойдевор қўйишимиз керак.
"Интер"? Рақиблар ва уларнинг Чемпионлар лигасидан кейинги чарчоқлари ҳақида ўйламаймиз. Бизни "Салернитана"га қарши қийин ўйин кутмоқда - чемпионат аутсайдерлари ўта хавфли.
Ҳозир рақиб ҳақида кам нарса биламиз – улар анча яхшиланишди ва бир кун аввал мураббийни алмаштирдилар. Уларнинг ўйиндаги тактикасини тахмин қилиш осон бўлмайди.
Ибраҳимович? У ўзини анча яхши ҳис қилмоқда, лекин "Салернитана"га қарши ўйнамайди. Балки у «Удинезе» билан ўйинга тайёр бўлар», — деди Пиоли Sky Italia билан суҳбатда.
