Европа конференциялар Лигасининг 1/16 финали доирасида Франциянинг «Марсель» ва Озарбайжоннинг «Қорабоғ» (3:1) жамоалари ўзаро баҳс олиб борди.
УЕФА «Қорабоғ» билан ўйинда мезбон жамоа томонидан қоидабузарликлар аниқланганидан кейин «Марсел»га қарши иш очди.
Ташкилот расмий сайти хабарига кўра, трибуналарда тақиқланган баннернинг пайдо бўлиши, мухлислар томонидан пиротехника воситаларидан фойдаланиш ва стадионларда ўтиш жойлари тўсиб қўйилгани сабабли «Марсел»га нисбатан иш қўзғатилган.
Маълум қилинишича, бу иш бўйича қарор кейинроқ чиқарилади. Жамоалар ўртасидаги жавоб учрашуви келаси пайшанба куни Озарбайжонда бўлиб ўтади.
