Москванинг ЦСКА клуби Аргентинанинг "Ривер Плейт" футболчиси Хорхе Карраскални ижарага олганини расман эълон қилди.
"Бугун "ҳарбийлар" ва "Ривер Плейт" колумбиялик ярим ҳимоячининг ижара шартномасини расман имзолади ва футболчи 2021/22 йилги мавсумнинг охиригача ЦСКАда тўп суради.
Аргентиналиклар билан келишувга кўра, футболчининг кейинчалик сотиб олиш варианти ўзимизда қолади", - дейилади ЦСКАнинг расмий баёнотида.
Колумбиялик футболчи тиббий кўрикдан муваффақиятли ўтди ва Кампоамореда бўлиб турган жамоа ихтиёрига етиб келди.