Суд Самюэль Это′Они Мадридлик 22 ёшли қизнинг отаси деб топди ва фарзандига алимент тўлаши бўйича қарор чиқарди.

1997 йили камерунлик футболчи ҳуқуқий жиҳатдан "Реал"га тегишли бўлиб, "Леганес" сафида ижара асосида ўйнаб юрган пайтида Мадриддаги тунги клубларнинг бирида Адилеуса деган қиз билан танишиб қолади.

Ушбу жуфтликнинг муносабатлари жиддийлашиб кетди. 1998 йили Адилеуса ҳомиладор эканлигини футболчига айтди. Ўша пайтда ҳомиладор аёл фарзандни туғиш ниятида эмаслигини билдирди.

Это′Онинг Эрик До Росарио Ньевес исмли қизи 1999 йили дунёга келди. У пайтда Самюэль «Эспаньол» сафида тўп сураётганди. Футболчи ҳеч қачон қизини тан олмаган, шунингдек камерунлик собиқ футболчи Адилеусанинг қўнғироқларига ва хатларига жавоб бермай қўйган.

Адилеуса Это′Онинг оталигига оид биологик далилларни тақдим этди, шундан сўнг суд Самуэлни Эриканинг отаси деб тан олди. Суд Самюэлга даъво аризаси берилган кунда бошлаб, яъни 2018 йилдан бошлаб ҳар бир ой учун 1400 евро миқдорида алимент тўлаши бўйича қарор чиқарди, Собиқ футболчининг ўзи эса судга келмади.