"ПСЖ" устози Маурисио Почеттино жамоа футболчиси Лионель Месси ҳақида фикр билдирди. У шундай дейди:
"Лионель Месси шубҳасиз, дунёнинг энг яхши футболчиси. Ўтган ўйиндаги пенальтидан фойдалана олмагани, унинг ишончига таъсир кўрсатмайди. Лео футбол нима эканини ифода этадиган шахс. Агар сиз кимгадир футболни тушунтирмоқчи бўлсангиз, унга шунчаки Месси кимлигини айтинг. Менда шундай вазият юз берганида Месси - бу футбол, деган бўлардим".
Эслатиб ўтамиз, бугун Париж гиганти "Нант"га қарши майдонга тушади.
