Туркияда бўлиб ўтаётган «Turkish Women's Cup» мусобақасида иштирок этаётган Ўзбекистон аёллар терма жамоаси бугун 2-тур баҳсини ўтказди. Вакилларимизга Украина термаси рақиблик қилди.
Биринчи бўлимда ҳисоб очилмаган бўлса, украиналиклар иккинчи таймда дарвозамизни икки марта ишғол қилишди.
Эслатиб ўтамиз, ўзбекистонликлар 1-турда Литва устидан 1:0 ҳисобида ғалаба қозонишган бўлса, Украина Венесуэлани шундай ҳисобда мағлуб этганди. Шу боис, украинлар 6 очко билан пешқадамга айланишди. Учта жамоа ҳисобида 3тадан очко мавжуд.
Терма жамоамиз сўнгги баҳсни 22 март куни Венесуэлага қарши ўтказади.
«Turkish Women's Cup»
Украина - Ўзбекистон - 2:0
Голлар: Овдийчук (49), Апанашченко (66)
