«Атлетико» бош мураббийи Диего Симеоне Ла Лиганинг 25-тури доирасидаги «Осасуна» устидан қозонилган ғалаба (3:0) ҳақида фикр билдирди.
«Биз ўйинни яхши бошладик. Маркос Льоренте бизга ярим ҳимояда керак бўлган ҳамма нарсани берди. Врсалько яхши ўйнади ва бу Маркосга ўзини кўрсатишга имкон берди. Эррера ажойиб учрашув ўтказди, Коке ҳақида ҳам шундай дейиш мумкин. Уларнинг барчаси ўз даражасида ўйнади» — дея Симеоненинг сўзларини келтиради Маrcа.
«Ҳаёт ҳам худди футбол каби бизни турли тўсиқлар билан синаб кўради. Бу мавсумда вазият шундай ва биз мавсумни яхши якунлай оламиз», — дея қўшимча қилади аргентиналик мутахассис.
Ла Лиганинг 25-туридан сўнг «Атлетико Мадрид» 42 очко жамғариб, Ла Лига турнир жадвалида тўртинчи ўринга кўтарилиб олди. «Осасуна» 32 очко билан 9-ўринда қолди.