«Тоттенхэм» ҳужумчиси Харри Кейн 2021 йилнинг ёзида «Манчестер Сити»га ўтиши мумкин эди. «Шаҳарликлар» 28 ёшли футболчи учун 150 миллион евродан кўпроқ пул таклиф қилишган, аммо «Тоттенхэм» рад жавобини берган. Бу ҳақда журналист Фабрицио Романо твиттерда хабар берди.

Манбага кўра, «Манчестер Сити» Кейн учун иккита расмий таклиф билан чиққан, уларнинг охиргиси 150 миллион евро ва турли бонусларни ўз ичига олган битим эди. «Шпорлар» раҳбарияти Харрини сотишдан яна бош тортган.

Эслатиб ўтамиз, Англия Премьер-лигасининг 26-тури доирасидаги ўйинда Кейн «Манчестер Сити» дарвозасига дубл қайд этиб, жамоасига ғалаба келтирди.