"Реал Мадрид" ҳужумчиси Карим Бензема Европанинг топ-5 чемпионатларида голларда иштирок этиш бўйича "Бавария" ҳужумчиси Роберт Левандовски билан етакчиликни бўлишиб турибди.
"Реал" ҳужумчиси Ла Лига доирасида "Алавес"га қарши ўйинда (3:0) иккита голли узатмани амалга оширди ва пенальтини голга айлантирди.
Энди унинг ҳисобида Испания чемпионатида “голл + пас” тизимида 27 очкоси бор (18 та гол, 9 та голли узатма). "Бавария" сафида тўп тепаётган Левандовски ҳам Бундеслигада шу тизимда бир хил (26 та гол, 1 та ассист) очкога эга.
Улар бу кўрсаткич бўйича Эвропанинг бешта етакчи чемпионатларидаги барча футболчилар орасида етакчилик қилмоқда.
