"Челси" бош мураббийи Томас Тухель жамоасининг Англия Премьер-лигаси турнир жадвалида "Ливерпул"га етиб олиш имкониятларини баҳолади.
"Бу чемпионатда энди улар билан ўйнамаслигимиз ачинарли. Айни пайтда улар жуда кучли кўринади. Қолаверса, бу қишда улар жамоасини янада кучлироқ қиладиган иқтидорли футболчини қўлга киритишди.
Биз таслим бўлмаймиз. Уларга етиб олишнинг иложи йўқ деб айтмайман, лекин биз буни ўз ўйинимизни яхшилаш, услубимизга қайтиш ва натижаларда барқарорликка эришиш орқалигина амалга оширишимиз мумкин.
"Ливерпул" ёки "Манчестер Сити"нинг натижаларига қарашимиз шарт эмас. Ишимиз етарли. Биз ўз ўйинимизни яхшилашимиз керак ва шу ердан бошлашимиз керак", деди Тухель "Челси" расмий сайтига.
