Фабио Квальярелла Италия чемпионатида кетма-кет ўн саккиз йил гол урмоқда, аммо 39 ёшли ҳужумчи тўхташ ҳақида хаёлига ҳам келтирмайди. Унинг "Эмполи" дарвозасига киритган иккита голидан бири Фабио учун "Сампдория" либосидаги 100-гол бўлди. У 2016 йилдан буён Генуя клубида ўйнаб келмоқда.
"Мен 20 ёшли йигитлар билан тенгма-тенг шуғулланаман ва охиригача ғалаба қозониш учун боримни бераман. Фаолиятимни C серияда бошлаган иштиёқ билан ҳалиям ўйнаяпман. "Сампдория" либосида 100 та гол - бу ажойиб ютуқ! Камроқ сўз, кўпроқ ҳаракат"!, - деди футболчи DAZN телеканалига.
