«Манчестер Юнайтед» устози Ральф Рангник «Лидс» (4:2) жамоасига қарши ўтказилган учрашув мухлисларга ёқда деган фикрда.

«Агар икки клубнинг бирини мураббийи бўлмасангиз, учрашув фантастик тарзда кечди.

Биринчи бўлимда яхши ўйин намойиш этдик, ўйинни назорат қилдик. Биринчи бўлимдаёқ ҳисобни 3:0 ёки 4:0 қилиб қўйишимиз мумкин эди.

Икки дақиқа ичида ҳамма нарса ўзгариб кетди. «Лидс»нинг биринчи голида омад уларга кулиб боқди. Ҳисоб 2:2 бўлганидан кейинги беш дақиқа биз учун оғир кечди. Лекин биз кескинликни кўрсата олдик.

Бу 2 ой олдин содир бўлишига ишончим комил эмас, лекин бугун юз берди. Биз ҳақли ғалабани қўлга киритдик», – деди Рангник Sky Sports билан суҳбатда.