"Гройтер Фюрт" жамоаси бош мураббийи Штефан Ляйтль "Бавария" (1:4) жамоасидан Бундеслиганинг 23-тур доирасида қабул қилиб олган мағлубияти ҳақида фикр билдирди.

"Биринчи бўлимни яхши ўтказдик. "Бавария"да биринчи таймда вазиятлар бўлмади. Рақиб ҳисобни жуда тезлик билан тенглаштириб олди, бу содир бўлмаслиги керак эди. Шубҳасиз, қайд этилган натижа кўрсатилган ўйинга мос эмас. Қолавера, биз кўрсатган ўйинимиздан қониқиш ҳосил қилишимиз керак. Ижобий вазиятларни "Кёльн"га қарши бўладиган ўйинга олиб қўямиз", - Ляйтлнинг сўзларидан иқтибос келтирмоқда Kicker.de.