"Интер" бош мураббийи Симоне Индзаги А Серия доирасида «Сассуоло» (0:2) жамоасидан қабул қилиб олинган мағлубият ҳақида фикр билдирди.

«Мен бу ёндошувдан жуда норозиман. Бизда уч кун вақт бор эди ва шу кунлар давомида «Сассуоло» аввалроқ «Ювентус» ва «Милан» жамоаларини ҳам мағлуб этганини айтгандик.

Иккинчи бўлимда вазиятни ўзгартиришга ҳаракат қилдик. Ҳа, омадимиз келмади, лекин ёндошув бошқача бўлиши керак эди. Соврин ютмоқчи бўлган жамоа бугун биз йўл қўйган хатоларни қилмаслиги керак.

Танаффус пайтида иккитадан ортиқроқ футболчини алмаштирсам бўларди. Нима нотўғри кетганини таҳлил қилиб чиқамиз.

Мартинеснинг ўйини? Менимча, ташвишланишга арзимайди. Ҳаттоки буюк футболчиларда ҳам бундай ўйинлар бўлиб туради. Унда қандайдир чарчоқ аломатлари бор», – деди Индзаги.