"Inter" bosh murabbiyi Simone Indzagi A Seriya doirasida «Sassuolo» (0:2) jamoasidan qabul qilib olingan mag‘lubiyat haqida fikr bildirdi.
«Men bu yondoshuvdan juda noroziman. Bizda uch kun vaqt bor edi va shu kunlar davomida «Sassuolo» avvalroq «Yuventus» va «Milan» jamoalarini ham mag‘lub etganini aytgandik.
Ikkinchi bo‘limda vaziyatni o‘zgartirishga harakat qildik. Ha, omadimiz kelmadi, lekin yondoshuv boshqacha bo‘lishi kerak edi. Sovrin yutmoqchi bo‘lgan jamoa bugun biz yo‘l qo‘ygan xatolarni qilmasligi kerak.
Tanaffus paytida ikkitadan ortiqroq futbolchini almashtirsam bo‘lardi. Nima noto‘g‘ri ketganini tahlil qilib chiqamiz.
Martinesning o‘yini? Menimcha, tashvishlanishga arzimaydi. Hattoki buyuk futbolchilarda ham bunday o‘yinlar bo‘lib turadi. Unda qandaydir charchoq alomatlari bor», – dedi Indzagi.
