Тошкентда давом этган, навбатдаги ўқув-йиғини ўз ниҳоясига етди. Ҳаким Фузайлов бошчилигидаги бухороликлар мазкур тайёргарлик доирасида 5 бор, назорат синов учрашувларида майдонга тушишга улгурди. Жумладан "Қўқон 1912" билан баҳсда улар Суперлига жамоасига қарши ўйинда яхши таъсурот қолдиришди, лекин бирозгина омад етишмади, холос.

Бухоро - Қўқон 1912 1-2.

Кейинги учрашув ҳам Суперлига қатнашчиси "Сурхон" жамоасига қарши майдонда куч синашишди.
Қизиқарли ўтган баҳсда, жамоа ишонли ғалабага эришди.

Бухоро - Сурхон 2-0.

Учинчи назорат учрашув "Зомин" жамоасига қарши бўлиб ўтди. Ушбу баҳсда "Зомин" жамоасини 3-1 ҳисобида мағлубиятга учратишди.

Бухоро - Зомин 3-1.

Бухоро - Олимпик 0-2, ҳамда Бухоро - Пахтакор U21 1-1, жамоалар билан учрашувларда мураббийлар асосан ёшларни синовдан ўтказишди.

Хабарингиз бор, яқинда жамоага келиб қўшилган Украиналик ҳужумчи Виктор Хомченконинг учрашувлардаги ҳаракатлари, мураббийларга илиқ таъсурот қолдирмагани туфайли, у билан дўстона хайрлашилди.

Эндиликда, "Бухоро" ПРО-лига 1-тур учрашувига тайёргарликни Бухоро шаҳрида давом эттиради.