Фарғона шаҳридаги “Само” спорт мажмуасида футзал бўйича мамлакат чемпионатининг 8-тур ўйинларига старт берилди.
Томошабинлар тур ва куннинг биринчисидаёқ қизиқарли учрашувга гувоҳ бўлишди. “Бунёдкор” ва “Насаф” жамоалари ўйинида дарвозалар дахлсизлиги сақланиб қолинди, ваҳоланки, ҳар иккала жамоа ҳам кўплаб хавфли вазиятлар содир этишди, голлар уришга ниҳоятда яқин келишди, бироқ ниятлар амалга ошмай қолаверди.
Иккинчи учрашувда чемпионат биринчи давраси пешқадами “Локомотив” “Нефтчи”га ҳеч қандай имконият қолдирмади, йирик ҳисобда устунлик қилди. Учинчи ўйинга нафақат куннинг, балки турнинг, ҳатто чемпионатнинг марказий ўйини сифатида қаралаётганди.
Бунгача турнир жадвалида атиги бир очко фарқи билан ёнма-ён бораётган “Ҳуахин-Жиззах” асосий рақиби АГМКни мағлубиятга учрата олса имкониятларини яхшилаб олиши, натижа аксинча бўлса эса олмалиқликлар биринчи ўринга кўтарилиб олишлари мумкин эди. Дуранг натижа ҳам жиззахликлар фойдасига ишларди. Биринчи бўлимда жиззахликлар ўз мақсадларига яқин келишди – бўлимни ўзларининг фойдасига тугатишди. Иккинчи бўлимнинг иккинчи қисмида эса олмалиқликлар ҳисобни қисқартириб, рақиблари шаштини пасайтиришга уринишди. Лекин бу уринишлар икки дақиқага етди холос – Фарҳод Абдумавлоновнинг голи “Ҳуахин-Жиззах” футболчилари жонига оро кирди. Шу тариқа жиззахликлар чемпионлик сари юришини дадил давом эттиришга замин яратишди.
Футзал. Олий лига. 8-тур.
Биринчи кун. 21 февраль, душанба
Фарғона. “Само” спорт мажмуаси.
БУНЁДКОР – НАСАФ – 0:0. 34 томошабин.
Ҳакамлар: Султонмурод Абдураҳмонов, Рустам Тоғаев, Санжар Раҳмонов
Назоратчи: Бахтиёр Намозов
Комиссар: Жаҳонгир Раҳматуллаев
Огоҳлантиришлар: Муҳаммадбобур Раҳмонбердиев (20) – Мамашариф Халимов (20).
НЕФТЧИ – ЛОКОМОТИВ – 2:6 (1:2). 52 томошабин.
Ҳакамлар: Шавкат Муҳиддинов, Ҳусан Музаффаров, Маҳмуд Рустамов
Назоратчи: Бахтиёр Намозов
Комиссар: Жаҳонгир Раҳматуллаев
Голлар: Дилмурод Юсуфжонов (7), Шуҳратбек Рашидов (29) – Акбар Усмонов (4, 36), Жамолиддин Нормирзаев (9), Дилмурод Шавкатов (25, 38), Илёс Маллаев (34)
Огоҳлантиришлар: Жаҳонгир Махсудов (35) – Илёс Маллаев (7).
ҲУАХИН-ЖИЗЗАХ – АГМК -2:1 (1:0). 116 томошабин
Ҳакамлар: Никита Афиногенов, Умид Пўлатов, Муродхон Аъзамжонов
Назоратчи: Бахтиёр Намозов
Комиссар: Жаҳонгир Раҳматуллаев
Голлар: Дилшод Раҳматов (14-пен.), Фарҳод Абдумавлонов (37) — Суннатулла Жўраев (35)
Огоҳлантириш: Йўқ – Музаффар Аҳаджонов (15).
