* «Рома» футболчиси Николо Дзаньилонинг агенти ўтган жума куни Туринда бўлган ва «Ювентус» билан эҳтимолий трансфер масаласида иш олиб борган. Николо римликлар билан амалдаги шартномасини узайтирмаса, «Юве»га ўтишга тайёр;

* Расман: «Милан» яна бир ҳомий BEFOX билан шартнома имзолаганини эълон қилди. BEFOX клуб тарихида жамоа либосининг орқа қисмига жойлаштирилган илк ҳомий бўлди;

* Хамес Родригеc: "Мен «Эвертон»да узоқ муддат қолишни истагандим. Бу фантастик мухлисларга эга ажойиб жамоа. Аммо менда мураббий билан муаммо бўлди. У менга ишонч билдирмади";

* Давид де Хеа: "Ўзимни "МЮ"дан бошқа жамоада тасаввур қила олмайман. Мен узоқ йиллардан буён шу ердаман. Қаерда сени кутишса ва севишса, ўша ер сенинг уйинг";

* «Индепендент» нашри «Лидс» билан ўйин учун Роналдуга 10 баллик тизимда 5 балл қўйди. МЮда фақатгина Ван-Бисакка Роналдудан пастроқ балл олган;

* Жюл Кунде «Челси»га ўтиш учун «Барселона»га рад жавобини берган;

* Рамос "Реал Мадрид" янги шартнома таклиф қилганда маоши камида Пикенинг маошига тенг бўлишини сўраган. Сабаби, Пике бир неча мавсум Серхиодан кўпроқ маош олиб юрган;

* Обамеянг: "Ҳоланд билан «Барселона»да бирга ўйнаш мен учун шараф бўлар эди";

* Ҳарри Кейн ва Сон Ҳёнг Мин бир-бирига 36 тадан голли узатма амалга оширган. Бу АПЛ тарихидаги энг яхши кўрсаткич ҳисобланади;

* Ушбу мавсумда барча турнирларни инобатга олган ҳолда 100+ гол урган клублар номи маълум:

1. «Бавария» - 108 та;
2. «Ливерпуль» - 100 та;
3. "Манчестер Сити" - 100 та.