* «Roma» futbolchisi Nikolo Dzanioloning agenti o‘tgan juma kuni Turinda bo‘lgan va «Yuventus» bilan ehtimoliy transfer masalasida ish olib borgan. Nikolo rimliklar bilan amaldagi shartnomasini uzaytirmasa, «Yuve»ga o‘tishga tayyor;

* Rasman: «Milan» yana bir homiy BEFOX bilan shartnoma imzolaganini e’lon qildi. BEFOX klub tarixida jamoa libosining orqa qismiga joylashtirilgan ilk homiy bo‘ldi;

* Xames Rodrigec: "Men «Everton»da uzoq muddat qolishni istagandim. Bu fantastik muxlislarga ega ajoyib jamoa. Ammo menda murabbiy bilan muammo bo‘ldi. U menga ishonch bildirmadi";

* David de Xea: "O‘zimni "MYU"dan boshqa jamoada tasavvur qila olmayman. Men uzoq yillardan buyon shu yerdaman. Qayerda seni kutishsa va sevishsa, o‘sha yer sening uying";

* «Independent» nashri «Lids» bilan o‘yin uchun Ronalduga 10 ballik tizimda 5 ball qo‘ydi. MYUda faqatgina Van-Bisakka Ronaldudan pastroq ball olgan;

* Jyul Kunde «Chelsi»ga o‘tish uchun «Barselona»ga rad javobini bergan;

* Ramos "Real Madrid" yangi shartnoma taklif qilganda maoshi kamida Pikening maoshiga teng bo‘lishini so‘ragan. Sababi, Pike bir necha mavsum Serxiodan ko‘proq maosh olib yurgan;

* Obameyang: "Holand bilan «Barselona»da birga o‘ynash men uchun sharaf bo‘lar edi";

* Harri Keyn va Son Hyong Min bir-biriga 36 tadan golli uzatma amalga oshirgan. Bu APL tarixidagi eng yaxshi ko‘rsatkich hisoblanadi;

* Ushbu mavsumda barcha turnirlarni inobatga olgan holda 100+ gol urgan klublar nomi ma’lum:

1. «Bavariya» - 108 ta;
2. «Liverpul» - 100 ta;
3. "Manchester Siti" - 100 ta.