Шамиль Газизов «Спартак» нима учун ярим ҳимоячи Остон Ўрунов билан шартнома имзолаганини тушунтирди. Унинг сўзларига кўра, бу Леонид Федуннинг ташаббуси бўлган. Ўрунов бўйича музокаралар ниҳоятда қийин кечди.
«Федун шахсан уни жамоага таклиф қилишимизни хоҳлаган эди. «Уфа»да ишлаган пайтимда у мендан «Қайси футболчи сен билан бориши мумкин?», - деб сўради. Мен беш киши номини айтдим: Беленов, Фомин, Неделчару, Табидзе ва Ўрунов. Федун шундай деди: «Менга рўйхатдан энг кўп Ўрунов ёқди».
Музокаралар қийин кечди. Уни «Спартак»дан ташқари ЦСКА ва «Рубин» ҳам сотиб олмоқчи эди. Ўзбекистонда уни бошқа клубга ўтиши учун оиласига босим бўлган. У ерда шундай одамлар борки, Остоннинг оиласига турли тазйиқ ўтказган. Шу боис, унинг агенти: «Ўрунов биздан бошқа клубга ўтишни сўрашмоқда», - деди. Кейин мен шахсан ўзим Леонид Арнолдовичдан Ўзбекистондаги баъзи одамлар билан гаплашиб, Остоннинг оилани тинч қўйишни илтимос қилдим», — деди Газизов.
