Мадриднинг «Реал» клуби ярим ҳимоячи Марко Асенсио билан шартномани узайтириш борасида музокаралар олиб боришни режалаштирмоқда.
Футболчининг амалдаги шартномаси 2023 йилнинг 30 июнида якунига этади. Янги шартномага кўра, 25 ёшли футболчининг жамоада қолиш муддатини 2026 йилгача узайтириш ҳамда унинг маошини қайта кўриб чиқишдан иборат бўлади.
AS нашрининг хабарига кўра, музокаралар ёзда бошланади. Асенсио жорий мавсумда 9 та гол урди ва 2 та голли узатмани амалга оширди. Марко тиззасидаги жароҳат билан боғлиқ оғир даврни бошдан кечириб, аста-секин ўзининг энг яхши спорт формасига қайтмоқда. Узоқ тикланиш жараёнидан кейин у асосий таркибдаги ўрнини йўқотди ва Зинедин Зидан ва Карло Анчелотти қўл остида таркибга қайтиш учун курашди.
