Madridning «Real» klubi yarim himoyachi Marko Asensio bilan shartnomani uzaytirish borasida muzokaralar olib borishni rejalashtirmoqda.
Futbolchining amaldagi shartnomasi 2023 yilning 30 iyunida yakuniga etadi. Yangi shartnomaga ko‘ra, 25 yoshli futbolchining jamoada qolish muddatini 2026 yilgacha uzaytirish hamda uning maoshini qayta ko‘rib chiqishdan iborat bo‘ladi.
AS nashrining xabariga ko‘ra, muzokaralar yozda boshlanadi. Asensio joriy mavsumda 9 ta gol urdi va 2 ta golli uzatmani amalga oshirdi. Marko tizzasidagi jarohat bilan bog‘liq og‘ir davrni boshdan kechirib, asta-sekin o‘zining eng yaxshi sport formasiga qaytmoqda. Uzoq tiklanish jarayonidan keyin u asosiy tarkibdagi o‘rnini yo‘qotdi va Zinedin Zidan va Karlo Anchelotti qo‘l ostida tarkibga qaytish uchun kurashdi.
