Франциянинг «Лилль» клуби бош мураббийи Жослен Гурвеннек «Челси»га қарши бўлиб ўтадиган Чемпионлар лигаси ўйини ҳақида фикр билдирди.
- Бу мавсум Чемпионлар лигаси старти биз учун осон бўлмади. Гуруҳда биринчи ўринни эгаллашимизни ҳеч ким кутмаганди, аммо биз шубҳаланганларни шарманда қилдик. Эртага амалдаги чемпионлар билан тўқнаш келамиз ва биз бошимиздан баланд сакрашимиз керак. Бу жуда катта синов.
Йигитлар бу даражада ўйин ўтказишга кўникиб қолган, тажрибаларини ортириб олишган. Биз «Челси» билан жангга яхши тайёргарлик кўрдик, аммо энди буни амалда кўрсатишимиз керак. Биз плей-офф босқичига чиққанимизни унутмаслигимиз ва ўз салоҳиятимизни намойиш этишимиз керак, - деди "Лилль" устози УЕФА расмий сайтига.
