Испания матбуоти «Манчестер Юнайтед»га қарши ўйин олдидан «Атлетико»да бирқанча жиддий йўқотишлар борлиги ҳақида хабар қилди.
Маrcа нашрининг ёзишича, сардор Кокенинг ўйинда иштирок этиши сўроқ остида, кичик жароҳат сабаб Луис Суарес ва Антуан Гризманн учрашувни захира ўриндиғидан бошлашади.
АS нашрининг хабар беришича, Тома Лемар ва Бенжамин Лекомт коронавирус сабаб изоляцияда қолмоқда. Улар жамоа билан машғулот ўтказмаган, бироқ футболчиларни ўйинда майдонга тушиши ҳам инкор этилмаган.
«Атлетико» ва «Манчестер Юнайтед» ўртасидаги Чемпионлар лигаси 1/8 финалининг биринчи учрашуви 23 февраль, чоршанба куни бўлиб ўтади.
