Испаниянинг "Вильярреал" клуби бош мураббийи Унаи Эмери Чемпионлар лигаси 1/8 финали доирасида «Ювентус»га қарши бўлиб ўтадиган учрашув ҳақида фикр билдирди.
«Ювентус»да юқори савиядаги футболчилар бор ва уларнинг ҳар бирида Еврокубокларда катта тажриба бор. Ваҳоланки, бу нарса бизда ҳам бор. Биз шу ергача етиб келиш учун жуда кўп меҳнат қилдик. Биз ўзимиздан кўпроқ нарсаларни талаб қилишимиз керак. Биз шу босқичдамиз, чунки биз бунга лойиқмиз.
«Ювентус» ҳурматимизга лойиқ жамоа. Улар Италиянинг етакчи жамоаси ва улар Чемпионлар лигасида ғалаба қозониш қандай эканлигини билишади. Улар жуда қобилиятли ва жуда чанқоқ”, - деди Эмери УЕФА расмий сайтига.
Эслатиб ўтамиз, «Вильярреал» - «Ювентус» учрашуви тунги соат 01:00да бошланади.
