«Аякс» ярим ҳимоячиси Райан Гравенберх қандай шароитда жамоани тарк этишга тайёр эканлигини айтди.

«Келгуси ёзда «Аякс»ни тарк этишимни билмайман. Лекин «Аякс»ни бекорга тарк этмаслигимни аниқ биламан.

Мен бу клубдан жуда кўп қарздорман, шунинг учун "Аякс" муносиб товон ололмаслигига йўл қўя олмайман», - италиялик журналист Фабрицио Романо 19 ёшли ярим ҳимоячининг сўзларидан иқтибос келтирмоқда.

Гравенберх жорий мавсумда 27 та ўйинда майдонга тушиб, 1 та гол ва 4 та голли узатмани амалга оширди. Футболчининг «Аякс» билан шартномаси 2023 йилнинг ёзига қадар мўлжалланган.

Олдинроқ «Бавария» 19 ёшли футболчи учун 30 миллион эвро тўлашга тайёрлиги ҳақида хабар берилганди.