«Ayaks» yarim himoyachisi Rayan Gravenberx qanday sharoitda jamoani tark etishga tayyor ekanligini aytdi.

«Kelgusi yozda «Ayaks»ni tark etishimni bilmayman. Lekin «Ayaks»ni bekorga tark etmasligimni aniq bilaman.

Men bu klubdan juda ko‘p qarzdorman, shuning uchun "Ayaks" munosib tovon ololmasligiga yo‘l qo‘ya olmayman», - italiyalik jurnalist Fabrisio Romano 19 yoshli yarim himoyachining so‘zlaridan iqtibos keltirmoqda.

Gravenberx joriy mavsumda 27 ta o‘yinda maydonga tushib, 1 ta gol va 4 ta golli uzatmani amalga oshirdi. Futbolchining «Ayaks» bilan shartnomasi 2023 yilning yoziga qadar mo‘ljallangan.

Oldinroq «Bavariya» 19 yoshli futbolchi uchun 30 million evro to‘lashga tayyorligi haqida xabar berilgandi.