Испания чемпионатининг 2-даврасидан ўрин олган «Реал» – «Барселона» учрашуви қачон бўлиб ўтиши маълум бўлди. Бу ҳақда испан нашрлари хабар бермоқда.

Манбага кўра, «эл-класико» 20 март куни Тошкент вақти билан соат тунги 01:00 да Мадриддаги «Сантьяго Бернабеу» стадионида бўлиб ўтади.

Маълумот ўрнида, айни пайтда Ла Лига турнир жадвалида «Реал» 57 очко билан етакчилик қилмоқда. «Барса» эса 42 очко тўплаб, 4-поғонани эгаллаган.

Ушбу жамоаларнинг биринчи даврадаги ўйинида «Реал» 2:1 ҳисобида ғалаба қозонган.