“Ювентус” марказий ҳимоячиси Маттейс де Лигт “Вильярреал”га қарши Чемпионлар лигаси 1/8 финал биринчи учрашуви натижасига тўхталиб ўтди. Учрашувнинг биринчи дақиқасидаёқ “Юве” ҳисобни очди, аммо ғалабани сақлаб қола олмади.
"Бу жуда қийин ўйин бўлди, лекин биз уни етук жамоа сифатида ўйнадик. Якуний натижадан қониқиш ҳосил қила олмаймиз, лекин шу билан бирга келажакка оптимистик қараймиз", - дея Де Лигтнинг сўзларини келтирган Бянконери матбуот хизмати.
"Ювентус" ва "Вильярреал" ўртасидаги иккинчи давра учрашув 16 мартга белгиланган.
