Ўзингизга маълум, янги мавсум бошида «Насаф» футбол клуби раҳбариятида ўзгариш бўлганди. Бугун «Марказий» ўйингоҳдаги матбуот анжуманлари залида жамоамизнинг фаол мухлислари ва ОАВ ходимлари билан очиқ суҳбат бўлиб ўтди. Йиғилишда «Насаф» футбол клуби бош директори Алишер Юсупов, жамоамиз бош мураббийи Рўзиқул Бердиев ва «аждарлар»нинг етакчи футболчилари Умиджон Эргашев, Шерзод Насруллаев, Акмал Мозговойлар йиғилишда иштирок этишди.
Тадбир қатнашчилари клубимиз раҳбариятидан 2022 йилдаги режалар ва мақсадлар ҳақида ўзлари қизиқтирган саволлар жавоб олишди.
Яқиндагина клубнинг бош директори лавозими тайинланган Алишер Исмаилович Юсупов ўзига билдирилган ишонч учун клуб раҳбариятига ўз миннатдорчилигини билдириб ўтиб, «Насаф» футбол клубини янада ривожлантириш учун бор кучи билан ҳаракат қилишини айтиб ўтди ва бундан кейинги учрашувлар бунданда юқори савияда бўлишини таъкидлади.
Рўзиқул Бердиев янги мавсумга тайёргарлик жараёни ва Туркия йиғини ҳақида ҳам мухлисларга ўз фикрларини билдириб, ҳозирги кунда жамоага яна бир ҳужумчи кераклигини, селекция ишлари давом этаётганини айтиб ўтди.
Жамоамизнинг етакчи футболчилари Умиджон Эргашев, Акмал Мозговой ҳамда Шерзод Насруллаевлар ҳам янги футбол мавсумига тайёр эканликлари ва совринли ўринлар учун курашишларини айтиб ўтишди.
Йиғилиш сўнгида «Насаф» футбол клуби раҳбарияти мухлислар клубига ўз совғаларини топширди.