«Барселона» ҳужумчиси Ламин Ямал Чемпионлар лигаси чорак финал жавоб учрашуви олдидан «Атлетико Мадрид» бош мураббийи Диего Симеонега мурожаат қилди.
«Ўзимни жуда яхши ҳис қилаяпман, эртанги ўйинни интизорлик билан кутяпман. Менда кучли мотивация бор ва ўйинга таъсир ўтказишга умид қиламан. Қараймиз, Симеоне менга “яхшилик” қилиб, бирор футболчи билан яккама-якка қолдириб қўярмикин? Умид қиламанки, шундай бўлади.
Мен бу ўйинни интизорлик билан кутяпман. Мавсум бошида "пубалгия" (жароҳат) сабаб даражам танқид қилинганини доим айтганман. Ҳозир эса айнан шундай пайтлар келяпти — ҳақиқий футболчилар айнан шу пайтда намоён бўлади. Эртанги баҳсни сабрсизлик билан кутяпман», — деди Ямал.
Эслатиб ўтамиз, илк учрашувда «Атлетико Мадрид» 2:0 ҳисобида ғалаба қозонган.













