"Бенфика" клуби мураббийи Нелсон Вериссимонинг фикрича, "Бенфика" ва "Аякс"нинг Чемпионлар лигасида ғалаба қозониш имкониятлари тенг.
«Мен мураббий сифатида Чемпионлар лигасида дебютимни ўтказаман. Бу муҳим ўйин, лекин жамоа учун мендан ҳам муҳимроқ. Биз кучли жамоа билан, Европанинг энг яхшиларидан бирига қарши ўйнаймиз.
"Аякс"нинг кучли томонлари бор, лекин биз фойдаланмоқчи бўлган заиф томонлари ҳам йўқ эмас. Бу осон бўлмаслигини биламиз, лекин бизда иштиёқ кучли.
Тўпни ушлаб туриш ва тўпсиз яхши ҳаракат қилишимиз керак. Имкониятлар 50/50 деб ўйлайман», - деди «Бенфика» бош мураббийи вазифасини бажарувчи.
