«Ливерпуль» футболчиси Муҳаммад Салоҳ янги рекордлар ўрнатишда давом этмоқда. Иқтидорли мисрлик ҳужумчи «Лидс»га қарши дубл қайд этиб, АПЛ тарихидаги энг кўп голларда иштирок этган африкалик футболчига айланди.
Бу борада Салоҳ Дидье Дрогбадан ўтиб кетди. У «Ливерпуль»га келганидан буён жами 160 та голда иштирок этди. Бу эса Дрогбанинг рекордидан биттага кўпдир (159). Шундай ажойиб натижаларига қарамай, Салоҳ қайси турнирда ҳали ҳам гол урмаганини биласизми?
Ушбу мусобақа Англия лига кубоги деб аталади. Аммо Миср терма жамоаси сардорига «Челси»га қарши финалда бундай имконият тақдим этилади.
Салоҳ «Ливерпуль»да:
-ЕЧЛда - 34 та гол;
-АПЛда - 114 та гол;
-Англия кубогида - 4 та гол.
