«Liverpul» futbolchisi Muhammad Saloh yangi rekordlar o‘rnatishda davom etmoqda. Iqtidorli misrlik hujumchi «Lids»ga qarshi dubl qayd etib, APL tarixidagi eng ko‘p gollarda ishtirok etgan afrikalik futbolchiga aylandi.
Bu borada Saloh Didye Drogbadan o‘tib ketdi. U «Liverpul»ga kelganidan buyon jami 160 ta golda ishtirok etdi. Bu esa Drogbaning rekordidan bittaga ko‘pdir (159). Shunday ajoyib natijalariga qaramay, Saloh qaysi turnirda hali ham gol urmaganini bilasizmi?
Ushbu musobaqa Angliya liga kubogi deb ataladi. Ammo Misr terma jamoasi sardoriga «Chelsi»ga qarshi finalda bunday imkoniyat taqdim etiladi.
Saloh «Liverpul»da:
-ECHLda - 34 ta gol;
-APLda - 114 ta gol;
-Angliya kubogida - 4 ta gol.
