ФИФА раҳбари Жанни Инфантино Украинадаги воқеалардан хавотир олаётганини билдирди.
“Ҳамма каби биз ҳам эрталаб уйғондик ва кўрганларимиздан ҳайратда қолдик.
Бу мавзу бугун ФИФА кенгашида муҳокама қилинди. Биз нима бўлаётганидан хавотирдамиз ва Украинадаги вазият мулоқот орқали тинчлик ўрнатилишига умид қиламиз.
ФИФА ушбу можародан жабр кўрган одамлар билан бирдамлик кўрсатишда давом этади.
Биринчи плей-офф ўйинлари бир ойдан кейин бўлиб ўтади, умид қиламизки, шу вақтгача барча вазият ҳал бўлади», - деди ФИФА президенти.
2022 йилги жаҳон чемпионатида ўйнаш ҳуқуқи учун қўшма ярим финал доирасидаги Россия ва Польша терма жамоалари ўртасидаги ўйин 24 март куни бўлиб ўтиши режалаштирилган.
