Франциянинг "ПСЖ" клуби бош мураббийи Карло Анчелотти мавсум тугаши билан Парижни тарк этиши мумкин. Бу ҳақда Францияда чоп этиладиган Le10Sport нашри хабар бермоқда.

Ушбу нашрнинг маълум қилишича, италиялик мутахассисга Англия Футбол Ассоцияциясидан Англия терма жамоасини бошқариш таклифи тушган. Ўз навбатида Анчелоттининг ўзи ушбу таклифга жон деб рози бўлади деган хабарлар ҳам йўқ эмас.

У яна Англияга қайтиб ишлаш нияти борлигини "ПСЖ" раҳбарларига маълум қилган эди. Италиялик мураббийнинг ҳозирги клуби билан тузилган шартномасида ҳам айнан шундай банд бор. Агарда унга Англиядан таклиф тушса "ПСЖ" билан амалдаги шартномасини бекор қилиши ҳақида.

Хабарларга қараганда, АФА италиялик мутахассис билан яқин кунлар ичида музокара олиб боради.

Инглиз ОАВ эса "Тоттенҳэм" бош мураббийи Ҳарри Реднаппни ҳамон Англия терма жамоаси бош мураббийлигига номзодлар орасида фаворит дея баҳоламоқдалар