«Атлетико» ёзда «Наполи» ҳимоячиси Жованни Ди Лоренцони сотиб олишни режалаштирмоқда. Бу ҳақда испан матбуоти хабар бермоқда. Мадридликлар ҳали «Ньюкасл»га кўчиб ўтган Киран Триппьерга ўринбосар топиб улгурмади.
Трансфермаркт 28 ёшли Ди Лоренцони 25 миллион еврога баҳоламоқда. Футболчининг неаполликлар клуби билан шартномаси 2026 йилнинг июнида якунига етади.
Жорий мавсумда Ди Лоренцо 35 та ўйин ўтказиб, 1 та гол ва 3 та голли узатмани амалга оширди.