Испания Ла лигасининг навбатдаги турида ушбу мавсум кашифётларидан бири "Леванте" ўз майдонида мамлакат чемпиони "Барселона"ни қабул қилишидан ҳабарингиз бор.
Хуан Игнасио Мартинес шогирдлари ушбу ўйинга жиддий тайёргарлик кўришимоқда. Аммо, "Леванте" ярим ҳимоячиси Хавьер Фаринос ушбу учрашув олдидан жамоа жуда кўтаринки кайфиятда эканлигини айтди ва ўз жамоасининг "Барселона" устидан ғалаба қозониши мумкинлиги таъкидлаб ўтди.
"Биз ўзимизни мағлубиятга учрашимиз аниқдек ҳис қилмаяпмиз. "Барселона" бу мавсумда икки марта мехмонда мағлубиятга учраган. Нега энди яна бир марта мағлуб бўлмаслиги керак?
"Биз "Барселона"нинг қандай жамоа эканлигини жуда яхши биламиз, шундай экан ҳеч нарса кашф қилмочи эмасмиз. Агар ўйинга жиддий тайёргарлик кўрилса "Леванте" "Барселона"ни мағлуб этиши мумкин. Ютқазмайдиган жамоанинг ўзи йўқ", - дейди Фаринос Sky нашрига берган интервьюсида.
