Жамоа Анталия йиғинидан қайтгач қисқа 2 кунлик таътил берилди ва 23 февралдан эътиборан Тошкентда йиғилиб, Суперлиганинг 1-тур ўйинига тараддуд бошланди.
Куни кеча жамоа футболчилари ЎФА илмий гуруҳи вакиллари томонидан олинган норматив тестларни топширди.
Шунингдек, жамоанинг ёш аъзолари, ҳимоячи Искандар Бўсинов ва ярим ҳимоячи Нодир Абдураззоқов Равшан Ҳайдаров бошчилигидаги Ўзбекистон ёшлар терма жамоасидан чақирув олишган ва айни пайтда терма жамоа йиғинида қатнашишмоқда. Анталиядаги йиғинда елкасидан жароҳат олган Анзур Исмоилов эса жамоа билан машғулотларда иштирок этмоқда.