«Бавария» вингери Серж Гнабри «Реал»нинг ёздаги асосий трансфер мақсадига айланди.

Олдинроқ, Германия терма жамоасининг 26 ёшли ҳужумчиси мюнхенликлар билан шартномани узайтириш борасидаги музокаралари юқори маош сабабли тўхтаб қолгани маълум бўлганди. Гнабри жамоадошлари Лерой Сане ва Кингсли Коман каби йилига 15 миллион евро олишни хоҳламоқда, аммо «Бавария» раҳбарияти ҳали бундай шартларни қабул қилишга тайёр эмаслигини билдирди. Sport1 нашри хабарига кўра, «Реал Мадрид» вазиятни кузатиб бормоқда, агар келажакда Азар, Бэйл ва Родриго жамоадан кетса, Сержни таклиф қилиш имкониятини кўриб чиқмоқда.

Гнабри ва «Бавария» ўртасидаги амалдаги келишув 2023 йилнинг ёзига қадар амал қилади. Трансфермаркт немис футболчисини 70 миллион еврога баҳоламоқда.